Mo..
Buyak no mo jauk keman ko..
Tao mey mo ko lulo mo giih..
Mey keban aseng ko bak piter..
Wakno nerasa ko ubang eh..


Mo..
Ubang mo mulik nah..
Ko luk nyambut mo..
Ko luk pateng menangis..
Idun makalah wak keban en ko..
Bak piter ngah mo..
Kubah tan aseng ko nelisuk mo katah-katah..
Tuhan mak tao..
Tan aseng ko..


Mo..
Kad'ng-kad'ng..
Tiap kali ko menyenged lo mero mo sabey..
Buyak no mo terlalu lemah teng idun..
Buyak no mo terlalu susud wakno iter dun..
Mo tao mey..
Juk matah ko pusai amau pipey..
Tiap kali ko menyenged..
Buyak no mo badik anik..


Mo..
Ko mey kep'ng menak mo sidun gaya..
Mo tao mey buyak no..
Buyak ko hormet mo..
Ko to mero..
Ko sayang teng mo..


Mo..
Ko pernah menyenged gak..
Kubah mak gaya ko adak mo melisuk ko..
Ko mey sanggup..
Mibey gunah ko mudip..
Adak sidun gaya..
Pernah gak ko tersenged bak bebenuk..
Sak mo seder betapa ko mey kenah miau mo..
Betapa ko sayang mo..
Betapa ko perlu mo wang udip ko..
Tapi badik ateng lah ko bak besidun gaya..
Allah mey nerimak ko..
Matai ko mibey imen wang nyawah..
Tapi ko sanggup gilah..
Semata bak menak mo seder..
Nyesel mo mibet ko sabey..
Buyak ko sayang anik-anik teng mo..


Mo..
Nak mo jauk agik keman ko..
Ko menyabk ateng-ateng keman tuhan..
Medan mak mo mulik awes..
Medan mak masa makau awes..
Medan mak kerjah mo awes..
Medan mak semuah dun awes..
Ko mey keban mudip mibey mo..
Wang udip ko..
Labik pidan-pidan..
Ko mo japah mak bey..
Ko janji..


p/s : hanya tuhan yang tahu..aku rindu kamu.. :'(